Labing apat ang nasawi sa salpukan ng isang tour bus at isang truck sa Chiang Mai Province noong linggo ng umaga sa Thailand.
Lulan ng bus ang dalawamput limang pasahero ng mangyari ang aksidente.
Maliban sa truck tatlong sasakyan rin ang nadamay sa aksidente.
Sa ngayon ay hawak na ng mga otoridad ang tumakas na driver ng bus habang nagsasagawa narin ng imbestigasyon ang mga pulis sa insidente.
METRO MANILA – Nakabalik na sa Pilipinas si Pangulong Ferdinand “Bongbong” Marcos Jr. mula sa dinaluhang pagtitipon kasama ang iba pang world leaders sa ginanap na Asia-Pacific Economic Cooperation (APEC) Summit sa Bangkok, Thailand.
Ayon kay Pangulong Marcos Jr, marami sa mga isyu na kinakaharap ngayon ng Pilipinas ay kapareho rin ng problema ng ibang bansa.
Kagaya na lang ng problema sa climate change, supply chains, food supply, digitalization at women empowerment.
Nagkaroon rin ng ilang bilateral meetings si PBBM kung saan nagkaroon siya ng mabungang pakikipag-usap kay French President Emmanuel Macron at Canadian Prime Minister Justin Trudeau
Samantala, magkakaroon na ng Philippine Overseas Labor Office sa Thailand.
Ayon sa pangulo, makakatulong ito para maprotektahan ang karapatan ng mga Overseas Filipino Worker (OFW) sa Thailand.
Sa pamamagitan aniya ng bagong labor office ay magiging madali na sa mga kababayan natin sa Thailand na maiparating ang kanilang concern na may kinalaman sa kanilang hanapbuhay.
Ayon sa pinakahuling datos, mayroong 30,000 mga Pinoy sa Thailand na karamihan ay English teacher o nagtatrabaho sa hospitality industry.
(Kath Dumaraso | UNTV News)
Tags: APEC Summit, OFW, PBBM, Thailand
METRO MANILA, Philippines – Ngayong taon ang pangatlong pagkakataon na babalik sa Thailand si Pangulong Rodrigo Duterte. Dahil sa June 22 hanggang 23, makikibahagi ang Punong Ehekutibo sa 34th ASEAN Summit kasama ang iba pang heads of member states kung saan ang Thailand ang Chairman ngayong taon.
Kabilang naman ang pitong miyembro ng gabinete sa delegasyon ng Pangulo sa regional event.
Ayon kay Foreign Affairs Assistant Secretary Junever Mahilum-West, tiyak na matatalakay ang isyu hinggil sa South China Sea. At in general, maaari ring mabuksan ang usapin sa pinakahuling insidente sa Recto Bank sa ASEAN leader’s retreat upang maisulong ang usapin sa pagkakaroon ng code of conduct sa South China Sea.
“Pwede namang during exchange of views on regional development, there is an opening to raise these issues, because incidents like what happened emphasized the importance of having a code of conduct so that we could avoid, we could prevent these incidents from happening in the future.” Ayon kay DFA Asec. Junever Mahilum-West.
Gayunman, nilinaw ng opisyal na premature pang sabihing na tiyak na matatalakay nang malaliman ng pilipinas sa summit ang sea ramming incident sa Recto Bank.
Ito ay lalo na’t iniimbestigahan pa ng pamahalaan ng Pilipinas at ng China ang insidente.
Hinihintay pa rin ang tugon ng China sa diplomatic protest ng Pilipinas hinggil sa umano’y abandonment sa mga Filipino fishermen.
“For one thing, there is this investigation that’s ongoing, that up to the present discloses a certain fact that we did not know before. Also, we lodged a strong protest with china and we are awaiting china’s response to this. So in the meantime that these major factors are pending, i think it would be premature of me to — premature of me to say that we will raise the issue at the summit.” Ani DFA Asec. Junever Mahilum-West.
Ang mga highlight ng ASEA Summit na inaasahang dadaluhan ng Pangulo ay ang summit plenary, gala dinner, leaders’ retreat, at ang 13th Brunei Darrusalam-Indonesia-Malaysia-Philippines East ASEASN growth area or BIMP-EAGA summit.
Inaasahan namang magkakaroon din ng bilateral meeting ang Punong Ehekutibo sa ibang ASEAN leaders.
Samantala, ‘di pa tiyak kung magkakaroon naman ng pagkakataon ang Presidente na makapulong ang Filipino community sa Bangkok dahil sa hectic schedule nito.
(Rosalie Coz | UNTV News)
Tags: 34th ASEAN Summit, Bangkok, Pang. Duterte, South China Sea, Thailand
Binubukbok na habang ang ilan naman ay nasira na matapos mabasa ng ulan ang ilang sako ng bigas na nasa dalawang pantalan sa Subic Seaport Terminal.
Ang mga ito ay mga bigas na inangkat ng Pilipinas mula Thailand at Vietnam. Mahigit tatlong linggo na buhat ng dumating ang mga ito sa pantalan ngunit hindi agad naibaba dahil sa mga pag-ulan.
Kahapon, dahil maganda na ang panahon ay ininspeksyon na ang mga ito ng National Food Authority (NFA) at Bureau of Plant Industry (BPI).
Dito natuklasan na binubukbok na ang ilan sa isandaan at tatlumpu’t tatlong libong sako ng bigas sa Boton Pier.
Ayon sa NFA, dahil uminit ang temperatura sa kinalalagyan ng mga ito kaya dumami ang mga peste. Dalawandaan at dalawampu’t tatlo naman sa 120,000 sako ng bigas sa Naval Supply Depot Port ang nasira na dahil nabasa ng ulan.
Ayon sa BPI, ang mga bigas na binubukbok ay maaari pang isalba, kinakailangan lamang na agad na isailalim ang mga ito sa fumigation.
Ayon sa NFA, maaari pa naman kainin ang mga bigas matapos ang fumigation. Hindi rin nila papayagang maibaba ang mga imported na bigas kung hindi ito papasa sa gagawing pagsusuri ng mga eksperto ng Bureau of Quarantine.
( Leslie Huidem / UNTV Correspondent )
Tags: NFA, Subic Port, Thailand
