METRO MANILA – Nagtungo kahapon (Jan. 14) sa National Bureau of Investigation (NBI) ang 12 kalalakihan na gumamit ng room 2207 ng City Garden Grand Hotel.
Sumailalim sila sa mahigit 10 oras na masusuing question and answer investigation ng NBI experts.
“They opted that they will come again altogether samasama sila with counsels so everyone is to witness how the investigation proceeds as against all of them, nakikita nung iba paanong iniimbestigahan sila” ani NBI Spokesperson, Atty. Ferdinand Lavin.
Makikita sa cctv na ilang beses na pumasok si Christine Dacera sa room 2207 kasama ng kanyang mga kaibigan bago ito matagpuang walang malay sa bathtub sa room 2209.
Batay sa counter-affidavit na isinumite ng respondent na si John Pascual Dela Serna sa Makati Prosecutor’s Office, sinabi nitong pumunta sila ng room 2207 kasama si Christine dahil inimbitahan sila ng isa pang respondent na si Ed Madrid dahil may kilala siya doon.
Ayon kay NBI Deputy Director at Spokesperson Ferdinand Lavin, pina-subpoena ito bilang bahagi ng kanilang bukod na imbestigasyon.
“They have their lawyers so may cousnel dito, and we thank for them for their cooperation, hindi pa tapos ito, and the statements would be validated against the pieces of evidence” ani NBI Spokesperson, Atty. Ferdinand Lavin.
Naniniwala ang NBI na makatutulong ang kooperasyon ng 12 para malaman ang tunay na nangyari sa kaso ni Dacera.
Sinubukang ng media na kumuha ng pahayag mula sa kanilang mga abogado subalit tumanggi ang mga ito.
(Dante Amento | UNTV News)
Tags: Christine Dacera's Case, NBI
METRO MANILA – Nagsasagawa na ng imbestigasyon ang National Bureau of Investigation (NBI) hinggil sa cartel, smuggling o hoarding ng sibuyas sa bansa kasunod ng utos ni Pangulong Ferdinand Marcos Jr.
Ayon sa Department of Justice (DOJ), may 7 indibidwal na silang natukoy na nasa likod nito at kung paano minamanipula ang presyo ng sibuyas sa merkado.
Ang pangalan ng mga ito ay kapareho ng lumitaw sa mga nakaraang pagdinig sa kamara.
Dagdag pa ng DOJ, patuloy ang pangangalap ng NBI ng mga ebidensya para sa isasampang reklamo.
Tags: NBI, Onion Smuggling
METRO MANILA – Inaresto ng mga tauhan ng National Bureau of Investigation-International Airport Investigation Division (NBI-IAID) sa NAIA Terminal 1 ang babaeng gumamit ng pasaporteng nakapangalan kay Elsa Cornello Saladili.
Kinilala ni NBI Officer-In-Charge (OIC) Eric B. Distor ang naaresto na si Bainisin Pulna na patungo sanang Saudi Arabia noong Abril 16 via Gulf Air Flight.
Batay sa ginawang imbestigasyon ng mga opisyal ng Immigration, taliwas sa mga dokumento ni Pulna ang sinabi nitong edad at hanap-buhay ng kaniyang ama.
Pinabulaanan din ng mga opisyal ang salaysay ni Pulna na ito ang una niyang pangingibang-bayan matapos malamang umalis at nakabalik na sa bansa si Elsa Cornello Saladili.
Sumailalim sa inquest proceedings si Pulna sa Pasay City Prosecutor’s Office dahil sa paglabag sa Section 19 (d) (1) of R.A. 8239 o Philippine Passport Act of 1996.
(Rhuss Egano | La Verdad Correspondent)
Nadakip sa isinagawang Entrapment Operation ng Criminal Investigation and Detection Group Davao City Field Unit at Talomo Police Station ang isang suspek matapos magpakilalang tauhan ng National Bureau of Investigation (NBI) sa Crocodile Park, Diversion Road, Davao City pasado alas-5 ng hapon nitong Marso 23.
Kinilala ang suspek na si Matias Canque Relacion, na kung saan nagpakilalang kawani ng NBI ngunit iginiit ng nasabing ahensya na wala itong koneksyon sa kanila.
Naaktuhan si Relacion sa pagtanggap ng P1,000 cash na marked money galing sa isang buyer.
Nakuha dito ang isang Ingram Sub Machine gun, 38 caliber revolver, anim na NBI ID, isang itim na wallet na may NBI Badge, NBI Reflectorize vest, itim na sling bag, isang silver toyota vitz na may ignition key, isang P1,000 bill bilang marked money at mga bala.
Sa ngayon ay nasa kustodiya na ng Talomo Police Station ang nasabing suspek at nakatakdang sampahan ng kasong paglabag sa Firearms and Ammunition Law at Revised Penal Code o Usurpation of Official Function.
(Fe Gayapa | La Verdad Correspondent)
Tags: NBI
