Arestado sa isinagawang drug buy-bust operation ang labindalawang tulak umano ng ipinagbabawal na gamot sa Barangay Parian Calamba City, Laguna.

Nakumpiska sa mga ito ang pake-paketeng hinihinalang shabu, ilang drug paraphernalia, dalawang kalibre .45 baril at isang.38 caliber na baril.

Sa ngayon ay nakakulong na ang mga suspek sa Calamba police station.

Samantala, mahigit sa isang libong umano’y drug pusher at user sa mga bayan ng Mabini, Lipa at Tanauan City, Batangas ang kusang sumuko sa mga otoridad.

Nanumpa ang mga ito na magbabagong-buhay na at makikipagtulungan sa kampanya ng pamahalaan kontra iligal na droga.

Isasailalim ang mga ito sa isang taong rehabilitasyon na kapapalooban ng drug testing kada apat na buwan at lecture-seminar tungkol sa masamang dulot ng bawal na droga sa kalusugan at kinabukasan.

(Sherwin Culubong/UNTV Radio)

Tags: buy bust operation, Laguna