Pinagpaplanuhan na ngayon ng PNP- Highway Patrol Group ang pagbiyahe sa edsa ng tinatawag na premium bus.
Ito ang pampasaherong bus na bibiyahe mula North Edsa hanggang sa Ayala, Makati City nang walang hintuan.
Ibig sabihin, sa North Edsa at Ayala lamang maaaring magsakay at magbaba ng mga pasahero ang mga premium bus.
Ayon kay HPG Spokesperson Supt. Grace Tamayo, ito ang isa sa mga naisip na paraan ng kanilang technical working group upang kahit papano ay maging madali ang biyahe ng mga magtutungo ng Makati area.
Sinabi pa ni Tamayo na layon nito na hikayatin ang mga motorista na iwan na lamang ang kanilang sasakyan sa parking area sa bahagi ng North Avenue at Ayala at sumakay na lamang ng premium bus.
Ito’y upang mabawasan ang private vehicle na dumadaan sa Edsa.
Aniya, magiging komportable naman sa bus dahil sitting capacity lamang ito at bawal ang nakatayo.
Tiniyak naman ng HPG na hindi magbabago ang kasalukuyang pamasahe sa biyaheng North Edsa to Ayala at maging ang pabalik.
Sa ngayon ayon kay Tamayo, nasa limampung units ang nakaplanong gawing premium bus na magmumula sa mga nagboluntaryong bus companies. (Mon Jocson/UNTV News)
“Takot sa pulis,” ito ang isa sa dahilan kung bakit humingi ng tulong ang Metropolitan Manila Development Authority (MMDA) sa PNP Highway Patrol Group sa pagmamando ng trapiko sa EDSA.
Ayon kay Bong Nebrija, MMDA Traffic Chief, “Kasi wala naman sila takot sa MMDA eh. Alam mo talaga sobra yung pambabastos nila sa atin sa kalsada for the reason na for the longest period of time eh yung mga enforcers natin ay kung ano anong kalokohan ang ginagawa, so ang hirap disiplinahin.”
Pero hindi sa buong kahabaan ng EDSA makikita ang mga pulis kundi simula EDSA Timog hanggang EDSA Ortigas lamang.
Ipinagpauna ni Nebrija na hindi dapat umasa ang publiko na makakita agad sila ng pagbabago lalo na at wala namang polisiyang binago.
“This is not a miracle pill na magkakaroon tayo ng milagro ngayong araw na to mawawala na yung traffic, itong pagsasanib na to more than anything else is strengthening our traffic management and enforcement as well,” dagdag pa ni Nebrija. Pabor naman dito ang ilang motorista.
Ayon kay Joel Austria, bus driver, “Mas maganda kasi mas magiging disiplinado ang mga driver. (takot ka ba sa pulis? Tanong ni UNTV reporter Mon Jocson) ah sakto lang naman.”
Sinabi rin ni Vicente Bisueña III, bus driver, “Siyempre karamihan natatakot yan sa kanila eh kaya malaking bagay sila po.”
Minsan ng nagmando ng trapiko ang HPG sa EDSA noong taong 2015 nang si Secretary Rene Almendras pa ang nahirang na traffic CZAR sa EDSA.
(Mon Jocson | UNTV News)
Tags: EDSA, PNP, PNP-Highway Patrol Group
Manila, Philippines – Pinag-iingat ng Philippine National Police Highway Patrol Group o (PNP-HPG) ang mga motoristang uuwi sa mga lalawigan o may mahabang biyahe ngayong bakasyon.
Ayon sa HPG karaniwang tumataas ang bilang ng aksidente sa kalsada tuwing panahon ng bakasyon.
Noong buwan ng Abril hanggang Hunyo 2017, nakapagtala ng 8,279 na aksidente ang HPG sa buong bansa.
Bumaba naman ito ng halos 70% noong 2018 ng kaparehong buwan kung saan nakapagtala lamang ang HPG ng 2,705 na aksidente sa lansangan.
Ayon kay HPG Spokesperson Police Lieutenant Col. Richie Claraval, human error ang pangunahing sanhi ng aksidente sa kalsada kabilang na ang hindi tamang pag overtake, maling pagliko, overloading, pagmamaneho ng lasing o nakainom at paggamit ng cellphone sa pagmamaneho.
Bukod sa pagmamaneho ng lasing, mahigpit ding ipinagbabawal sa ilalim ng Anti- distructed Driving Law ang paggamit ng cellular phone habang nagmamaneho.
Paalala ng PNP ugaliin na icheck ang Blowbagets o ang battery, lights, oil, water, brakes, air, gas, engine, tire at self o ang sarili bago bumiyahe.
Samantala, idineploy na rin ng HPG ang kanilang mga tauhan sa mga pangunahing lansangan bilang road marshalls at sa mga police assistance center sa mga bus terminal.
Dagdag ni Claraval, regular na nagsasagawa ang HPG ng inspeksyon sa mga terminal ng bus katuwang ang pdea na nagsasagawa naman ng random drug test sa mga driver at konduktor ng bus.
Tags: PNP-Highway Patrol Group
Nagbabala ang bagong pamunuan ng PNP Highway Patrol Group sa mga pulis na mahuhuling mangongotong sa motorista.
Ito ay kasunod ng pagbabalik muli ng pagmamando ng trapiko sa mga tauhan ng HPG.
Sa isinagawang accounting ng mga tauhan ng binuong Task Force EDSA, sinabi ni HPG Chief PSSupt. Antonio Gardiola na huhubaran ng uniporme ang hindi karapat dapat magsuot nito.
Iniutos din nito na alalayan ang mga pasahero mula probinsya na niloloko ng mga porter at taxi driver.
Payo naman ni PNP Chief PDG Ronald dela Rosa sa mga tauhan ng HPG, huwag magpasindak sa mga mayayamang motorista na lumalabag sa batas trapiko.
Dagdag pa ng hepe ng pambansang pulisya, dapat ay walang mangyaring krimen sa EDSA tulad ng kidnapping, hold up, snatching at shooting incident.
Samantala, ipinag-utos na ni General Dela Rosa na idestino sa Metro Manila ang mga tauhan ng HPG sa mga lalawigan na walang masyadong ginagawa upang tumulong sa pagmamando sa trapiko.
(Lea Ylagan/UNTV Radio)
Tags: HPG Chief PSSupt. Antonio Gardiola, PNP-Highway Patrol Group
