Labing-isa ang sugatan matapos na madiskaril ang roller coaster cart sa isang theme park sa Scotland.

Ayon sa mga nakasaksi sa pangyayari, bigla na lamang nalalaglag mula sa riles nito na may taas na tatlumpung talampakan ang cart.

Siyam sa mga sugatan ay bata at dalawa ang matanda.

Agad namang isinugod ang mga ito sa ospital.

Inaalam pa ng mga otoridad kung ano ang sanhi ng aksidente.

Sa ngayon ay pansamantalang isinara sa publiko ang theme park habang isinasagawa ang imbestigasyon.

(UNTV RADIO)

Tags: rollercoaster accident