Sa ika-32 anibersaryo ng serbisyo sa Dios at sa kapwa, pinili ni Kuya Daniel Razon na paglaanan ng tulong ang mga kabataang tulad nila upang makapaghatid ng pag-asa, pagtitiwala at pag-ibig sa bawat isa sa pamamagitan ng In the Eyes of a Child Concert.

Katuwang ang Members Church of God International at si Bro. Eli Soriano, ilang children’s welfare foundation at mga batang maysakit ang nabigyan ng tulong sa isinagawang benefit concert.

Nagbigay kaaliwan at inspirasyon sa birthday concert ang bilang nina Wan Lu, Darren Espanto,
Gwyneth Durado, Chacha Cañete, KNC Chorale, Aaron, Joshua, Penpen, Kuya Daniel at iba pa.

Pinagkalooban naman ng tig-isang daang libong piso (P100,000) ang mga organisasyong may kaugnayan sa paglingap sa mga kabataang ulila at ganun din ang mga kabataang nangangailangan ng pinansyal at medikal na tulong.

Isa sa mga tumanggap ang Cancer Warrior Foundation na tumutulong sa mga batang may sakit na cancer at indigent.

Sa pagdiriwang ng 32 mabungang mga taon ni Mr. Public Service Kuya Daniel, sa pamamagitan ng In the Eyes of a Child Concert, muling nakapagbigay-inspirasyon ito sa marami lalo na sa mga kabataan na makagawa ng mabuti sa nangangailangan ng walang hinihinging kapalit.

(Rosalie Coz/UNTV News Correspondent)

Tags: in the eyes of a child, Kuya Daniel Razon, Kuya Daniel Sings for children