Mahigit dalawampu’t dalawang libong mga trabaho ang inialok sa mga job seeker sa isinagawang 2016 jobs fair sa Rizal Park kahapon na inorganisa ng Department of Labor and Employment kaugnay ng pagdiriwang ng ika-isandaang at labingwalong taong selbrasyon ng araw ng kalayaan.
Mahigit pitong libo sa mga trabahong iniaalok ay local jobs habang 15, 800 naman ay sa ibang bansa.
Layon ng naturang job fairs na mabawasan ang mahigit dalawang milyon na unemployed na mga pilipino at 7.3 million na underemployed base sa labor force survey ng The Philippine Statistics Authority noong buwan ng April 2015.
Sa 15, 027 na aplikante, may kabuoang 1, 942 ang hired on the spot.
(Aiko Miguel/UNTV NEWS)
